Zeynebê

Him gul e him rihan e

Hesreta dilan, mîna çûçika qazan e

Li mal dimeşe, mîna werdekan e

Him rind û him jî bedew e

Gulîsor e, pordirêj e

Dev piçûk e, poz pîjîn e

Sûret sor in, xalxalî ne

Çavên wê xweşik û xezalî ne

Bijangên wê yên reş bi ser de dixemilîne

Gava xwe dixemilîn e

Gava li mal çavên min wê dibîne

Bezê ser dilê min dihelîne

Hiş û sewda di serê min de namîne

Tu divê ew gul û hem rihan e

Bîn dide, mînanî pîltan e

Bi xwe Zeyneb e

Him rih û him jî can e

Ji min neke gazinc û loman e

Ew kezeba kezeba min e

Navê wê delalê Zeyneb Xan e