Pira Qewîtiyan

Ev roman ji çîrok û serpêhatiyên heval û hogirên ʿemrên xwe yên ezîz ji boyî hêviyên jiyaneke azad bexşandine pêk tê. Her çîrok behsa cureyekî hevaltî û hevrêtiya cuda dike. Her kesê hezkirina welêt xwe berdaye di dil de bi şêweyê xwe yê xas mil dide têkoşîna gelê xwe. Ev şêweyên tekoşînê, rastiyên xwezayî yên civaka Kurd in ku li hemberî her cure zilm û zora desthilatdariyê û amûrên wê ji xwe re weke rêya liberxwedanê bi kar tînin. Bi vî awayî, hêza civakê bi rêxistinbûnê re xurt dibe, rêxistinbûn civakê ber bi aramncên mezin ve dibe.

Pira Qewîtiyan bi têkiliyên malbatî, hevavltî û hevrêtiyê, girêdan û jênegerîna armancên gelekî berxwedêr kêlî bi kêlî, piç bi biç bi hev ve girê dide û çîrok û serpêhatiyan bi şêweyekî resen li hev dihone. Her çîrok bi qasî efsaneyekê ji mirovan dûr dixuye lê belê weke bîranîna bûyereke nûrûdayî mirov nêzikî xwe dibîne. Ev pirtûk ji aliyekê ve jî sekna gelekî li raberî traumayan e. Hem di destpêkê de hem jî di dawiya bûyerên traumatîk de rewş û veguherîna gel bi çîrokên xwe dispêrin rastiyên dîrokî vedibêje.