Şahab Laçîn (Şaynebî)1985 de qezaya Dîyarbekirî Gêl de ameyo dinya. Wendegeho verên, mîyanîn û lîse Gêl de wendî. Serra 2006 de dest bi Beşê Tarîxî yê Fakulteya Edebîyatî ya Unîversîteya Dîcle kerd û 2010 de mezûn bî. Yew serre dewa Gêlî Metîna de malimîye kerde. Serra 2013 de dest bi Beşê Edebîyat û Ziwanê Zazakî yê Fakulteya Fen Edebîyatî ya Unîversîteya Bîngolî kerd û 2017 de mezûn bî. Serra 2014 de Unîversîteya Artûklûyî ya Mêrdînî de Enstîtûyê Ziwananê Ganîyan yê Tirkîya Şaxê Mayzanistê Ziwan û Kulturê Kurdan de Kurdkî (Zazakî) lîsanso bêtez kerd. Serra 2015 de Unîversîteya Bîngolî Enstîtûyê Ziwananê Ganîyan yê Tirkîya Beşê Edebîyat û Ziwanê Zazakî de dest bi lîsansê bitezî kerd û 2018 de mezûn bî. Serranê 2017-2019 de Çewlîg de yew mektebo xisûsî de dekewt dersanê Zazakî. Serranê 2021-2023 de Diyarbekir de Merkezê Perwerdeyê Şarê Yenîşehîr de kursê Zazakî dayê. Nika qezaya Dîyarbekir Çermûge de Merkezê Perwerdeyê Şarê de Mamosteyê Zazakî yo. Heta nika nuşteyê ey rocnameyê Newepelî, kovara Vateyî û kovara Laserî de weşanîyayê.
Eserê ey ke weşanîyayê:
1) Şahab Laçîn, Estanekan û Meselayanê Gêlî ra, Weşanxaneyê Roşna, Dîyarbekir 2016, 94 Rîpelî.
2)Şahab Laçîn, Deyîran û Manîyanê Gêlî ra, Weşanxaneyê Roşna, Dîyarbekir 2019, 208 Rîpelî.
Kitabê ke ey û nuştoxanê bînan pîya hedernayê:
1) Hamza Tokmak, Şahap Laçîn, Rayîrberê Qalîkerdişî Phrasebook, Weşanxaneyê Ronya, Wan 2025, 94 Rîpelî.
2) Rêbera Axaftinê Rayîrberê Qalîkerdişî / Hamza Tokmak & Şahap Laçîn, Weşanxaneyî Na,İzmîr 2026
